Мај 2002
По само две години работење Хоризонти добива признание за иновативниот пристап во обезбедување финансиски услуги за најсирамошните слоеви во општеството.
Март 2010
Во рамките на вториот циклус натпреварување Microfinance Good Practices Europe Award, Хоризонти беше селектирана меѓу 5 –те финалисти и доби признание за успешното работење со Ромската популација. На ова натпреварување во организација на Fondazione Giordano Dell’Amore и European Microfinance Network учество земаа микрокредитни организации од цела Европа.
Јуни 2016
“Иновативните агро-флекс кредитни продукти” заслужни за повторно прогласување на Хоризонти за победник на престижното натпреварување Microfinance Best Practice Award 2016 во организација на фондацијата Giordano Dell’ Amore и European Microfinance Network (EMN). На свечената церемонија одржана на 16.06.2016 год. во Варшава во рамките на годишната конференција на EMN, Хоризонти во потесна конкуренција со познати микрокредитни организации од Босна и Србија, беше прогласен за победник и добитник на првата награда. Апликацијата ги презентирање резултатите постигнати со воведување на новите агро-флексибилни продукти кои на земјоделските корисници им овозможуваат адекватно планирање на обврските и инвестирање во склад со сезонските земјоделски приходи. Ова е втор пат како Хоризонти ја добива оваа престижна награда, претходно тоа се случи во 2011 год.
Јуни 2007
Хоризонти е победник во изборот за иновативни проекти во рамките на првиот циклус награди за иновации од страна на Microfinance Centre. Нагрaдата е доделена за иновативниот пристап при користење на групната методологија на кредитирање за социјално исклучените групи во општеството.
